【獵奇】獨特的用mic技巧

 

內地「梵音天后」薩頂頂日前係中央台嘅音樂節目不經意示範咗獨特嘅揸mic技巧,一眾網民不禁嘖嘖稱奇,原來枝mic掉轉唱都仲有聲!而且無影響個聲線添喔!其實,無論有無「咪嘴」呢啲電視台慣用嘅風險管理伎倆,有啲人的確熱衷於獨特嘅用mic技巧,一齊嚟睇睇:

 

koreanbaekhyun

韓國藝人Baekhyun

韓國藝人Baekhyun, 呢種揸法似乎係改良自揸煙斗嘅手勢

 

koreansuho

韓國藝人Suho

韓國藝人Suho,似乎韓國藝人係呢方面都比較大膽創新。Suho再改良左Baekhyun嘅煙斗手勢,揸近mic尾,似乎深明揸太近mic頭唔係咁好。

 

marilyn-manson-mic-swing

Marilyn Manson

Metal名宿Marilyn Manson, “Fing Mic”,絕對係型,無嘢補充。

 

kanye-0

Kanye West

著名Rapper Kanye West,示範點解決枝mic無聲嘅問題,就係拋起,然後轉身走人。

 

tumblr_m88msl9f851rox3xto1_500

David Gillmore

傳奇搖滾樂隊Pink Floyed 主音結他手David Gillmore,示範食mic…

 

以下係民間嘅挑戰者:

1ef977356-1

 

wrongwaytoholdmic

 

8009-7220-27181

 

1237036480_microphone-fail

 

其實用mic都真係一件好講究嘅事,但凡事總要從基本做起,有興趣可以參考延伸閱讀:【用Mic的基本禮儀】

 

 

文:Kenji

圖片來源:網絡

 

【DIY】如何自制擴音器

雖然情人節同元宵節都過左,唔洗再煩惱買咩禮物或DIY什麼,但點都要未雨绸缪,為下個節日做準備嘅。

依家就教下大家點樣DIY Speaker 啦!

材料:

  1. 銅缐
  2. 膠杯或發泡膠杯
  3. 一堆釹磁鐵粒或一條長磁鐵
  4. 萬字夾一個
  5. 唔用嘅耳筒(只需要插頭)
  6. 膠紙
  7. 一張紙
  8. 鱷魚夾

導具:

  1. 鉗子
  2. 剪刀
  3. 熱膠槍或強力膠

Screen Shot 2016-02-23 at 4.36.06 pm

 

Step 1: 喇叭線圈

首先,我地要剪兩張2×6寸嘅紙。

Screen Shot 2016-02-23 at 4.36.14 pm

然後用一張紙捲起磁鐵,用膠紙貼穩。Screen Shot 2016-02-23 at 4.36.58 pm

然後用另一張紙包多次,再貼膠紙。

之後用銅缐繞80個圈,就會完成喇叭嘅核心線圈。Screen Shot 2016-02-23 at 5.12.02 pm

當然,我地會用熱膠槍黐實銅缐。Screen Shot 2016-02-23 at 5.21.55 pm最後就可以連磁鐵連內層捲紙一拼拔掉。

Step 2: 喇叭身

首先將核心線圈嘅紙捲未端剪個十字,然後黐起杯底。Screen Shot 2016-02-23 at 4.38.25 pm

然後圍繞十字剪個圈。Screen Shot 2016-02-23 at 5.36.09 pm

再起洞邊剪走1cm 闊嘅杯底。
Screen Shot 2016-02-23 at 5.43.12 pm

然後剪出剛剛適合杯底㓊口嘅膠紙,封死洞口。(記得黏面向外)
跟住就可以將剛才剪出的核心線圈黏上。Screen Shot 2016-02-23 at 4.39.12 pm

然後係最難嘅部分。
首先屈直萬字夾,然後屈出長度可由核心線圈頂尖申至杯身的⊐形狀。
接下來,我們只需一邊萬字夾接觸杯身,而另一邊萬字夾則需要用鉗子屈曲成圓餅形。Screen Shot 2016-02-23 at 4.39.29 pmScreen Shot 2016-02-23 at 4.42.48 pm

然後因為磁鐵可吸引萬字夾,所以我地可以很容易地將磁鐵放在圓餅,再將磁鐵放回核心線圈內。Screen Shot 2016-02-23 at 4.41.16 pm

最後就可黐實杯底與萬字夾。喇叭大至完成!Screen Shot 2016-02-23 at 4.41.45 pm

Step 3: 接駁

首先我地要去除銅缐兩端外層嘅絕緣體,所以要用火燒!又或者用鉗刮走。Screen Shot 2016-02-23 at 4.48.45 pm

跟住就可以剪下耳機mini jack 頭,請預留足夠長度嘅缐。((唔一定要耳機嘅,係3.5mm jack 頭就得)(唔明?請溫習我地嘅文章【Jack頭保衛戰】回顧TRS音頻插頭的前世今生))

然後你要去除耳機缐外層保護膠,你就會發現缐中有缐,重要有三條。Screen Shot 2016-02-23 at 6.32.36 pm而我地只需要兩條,接駁於核心線圈兩端,一條一定要是黑色,而另一條則可任君選擇。
我們可以用鱷魚夾接駁,或可用辣雞焊接。Screen Shot 2016-02-23 at 4.50.32 pm

接駁完也就大功告成!
Screen Shot 2016-02-23 at 4.35.35 pm

自制喇叭有咩用?大家不妨運用小宇宙,設計一個會發聲嘅生日禮盒,做一盞會播歌嘅燈,又或者帶入浴室沖涼?最緊要唔怕整濕,同埋平呀嘛!

文:KrisY

圖片來源:Youtube

 

【心理戰】如何自我提升音樂創作效率

近年接觸唔少音樂人,創作人,發現有一個普遍嘅現象:技巧好成熟,音樂底子好厚嘅人寫歌往往陷於難產,好耐都寫唔到新歌;反而有啲技巧較幼嫩,聲稱自學結他或鋼琴嘅朋友反而新作不斷,甚至可以寫到搶耳嘅旋律。積極啲去諗,排除所謂「天份嘅問題」,其實有咩因素影響緊一個人嘅創作靈感?同埋有乜方法可以自我提升創作嘅效率呢?

 

自我要求太高,開工但唔想收工

首先搞清楚你自己係咪呢類人。當然對自己有要求絕對係好事,但係創作上未必每個細節都要咁完美無瑕,通常見識過越多「好嘢」嘅人就越會有呢個心魔:一句motive發展得幾句,又覺得唔知似邊首歌,或者比唔上人地寫果啲;編曲揀隻聲搞左半日,聽落又覺得唔好停左係度;一首歌永遠埋唔到尾,因為想改到最好先… 雖然呢啲樽頸位對創作者嚟講好常見,但係典型自我要求太高者,技巧同見識越高反而沖破唔到。

對於呢種情況,解決嘅關鍵可能就在於你肯唔肯「妥協」。同自我妥協,就算某段旋律或處理唔太滿意,唔緊要,搵個折衷方案“hea”過。保持一個「我開工,係要收工架!」嘅心態,盡量係一段時間內完成所有部分,將你嘅心血定型,成為一首完整嘅歌,然後回過頭嚟再聽再細執返! 就算最後首歌都係唔滿意,唔派出街,但可能佢會繼續觸發你嘅靈感,話唔定因此做多另一首歌出呢。

 

「如果有好多時間,好多器材俾我,我就可以做到好歌」

呢種想法通常會係啱啱捱過deadline交貨嘅朋友最大嘅慨嘆。但係好明顯呢個都係偽命題,通常一個人嘅時間同資源都有限,再加上你侷限係現階段嘅才能,音質上可以達到嘅效果可以話從一開始已經「封頂」,你最多只可以做到咁。而且除非你係一個相當自律嘅人,否則係未見deadline前你都懶懶閒,或者好似上一個情況咁,不斷同心魔戰鬥同埋首去搞你啲plugin。

但係好彩,音樂本身嘅質素並唔完全受以上硬件因素影響,如果你用電腦作曲的話,可能將多啲focus擺係音樂結構,編曲配器,同和弦運用上面,好過一開始就無休止斟酌隻聲,要點搞mixing– 器材太多反而令人應接不暇。再者原來係「趕deadline」嘅情況下,時間越少,你焗住要「妥協」,要收工,反而達至上一點提及嘅效果,況且有時候靈感話嚟就嚟,同你有幾多時間無關。

 

設定限制俾自己,搵人俾壓力自己

所以,承接上點,你會發現deadline同「缺乏」反而係你創作上嘅朋友。如果你想提升自己創作嘅效率,何不妨試試逆向思維,減少你要坐定定去作歌嘅時間,同埋盡量係創作嘅階段唔好搞咁多「機」。例如一日裏面,你只係用一,兩個鐘頭時間坐係電腦前面,熄電話,唔上網,專注完成一小部分,無論寫得好唔好都要完成佢,然後一個禮拜後要完成一首完整嘅歌;創作時候用嘅樂器聲最好之前已經準備定一堆,唔同類型樂器或效果都要有啲,而且堅持作曲期間唔花時間去調教咁多。

如果你真係有心魔難以克服,可以試下搵個志同道合嘅朋友,或者嚴格嘅老師,提醒自己要交歌之餘,仲可以交換意見,除左係俾壓力自己,仲可以互相激發靈感,衝破創作嘅樽頸位。

 

慢慢建立創作習慣,最後可以駕馭自己時間/器材/質素嘅比例

最後,講左咁多,其實呢啲方案都只係過度性,係幫助你馴服自己嘅心魔,培養良好創作習慣,釋放潛藏嘅音樂靈感。嚟到呢一步,你會見到所謂作品質素可能係等於: 創作效率 x(時間+器材),即係當你可以達到一個穩定嘅創作效率時,你投入越多時間同越好嘅器材,作品質素係可以成正比,大大提升。而唔會好似難產期裏面,無論你投入幾多時間同器材,由於創作效率係零或者極低而做唔到好嘅作品。

 

文:Kenji

圖片來源:sound on sound, 網絡

【音樂小毒L】令人沉迷的 “Volotic”

自從有左智能手機,平板電腦,做音樂玩音樂都多左好多「花臣」。近日小編就無端端迷上呢一隻叫 “Volotic” 嘅apps,其實係一款類似Loop Synth嘅sequencer,玩家可以係格仔上面擺樂器聲,設計發聲嘅模式,好似打機咁製作自己獨特嘅音樂。具實驗性得黎又好玩,音樂小毒L一定like:

 

 

文:Kenji

【盛事】2016 NAMM TEC Award獎項一覽

通常啲電子產品會宣傳自己係乜獎物獎嘅得主,個包裝充斥著各式各樣嘅logo,音頻產品都唔例外。以下呢個logo,熟悉錄音器材嘅巴打一定唔會陌生:

 

 

呢個就係傳說中嘅“TEC Award”,號稱係Pro Audio界嘅奧斯卡頒獎禮,係“NAMM”美國樂器貿易組織協會每年籌辦“NAMM show”(即係一個樂器,音樂製作設備展銷會…)裏面嘅重頭戲。今年嘅獎項啱啱新鮮出爐,一齊睇睇有乜好嘢:

 

 

最佳信號放大類器材 (錄音室及擴音系統類):Antelope Audio — Statori 監聽控制器

 

Antelope Audio — Statori 監聽控制器

 

 

最佳電腦音樂硬件:Universal Audio —  Apollo 8p Thunderbolt 2 音頻界面

 

Universal Audio — Apollo 8p Thunderbolt 2 音頻界面

 

 

最佳智能手機及平板類產品:Shure — Motive MV88 IOS 數碼立體聲電容mic

 

Shure — Motive MV88 IOS 數碼立體聲電容mic

 

 

最佳耳機:Audio Technica — ATH-R70X PRO 監聽耳機

 

Audio Technica — ATH-R70X PRO 監聽耳機

 

 

最佳mic pre(話筒前級放大): MANELY LABS — Manley Force

 

MANELY LABS — Manley Force

 

 

最佳錄音mic:Neumann — U47 FET 電容mic

 

Neumann — U47 FET 電容mic

 

 

最佳擴音用mic:Shure — 5575 LE unidyne 75週年特別版

 

Shure — 5575 LE unidyne 75週年特別版

 

 

最佳樂器軟件:Izotope — IRIS 2

 

Izotope — IRIS 2

 

 

最佳錄音設備: Zoom — F8 多軌錄音機

 

Zoom — F8 多軌錄音機

 

 

最佳信號處理: Tube-Tech — HLT 2A 均衡器

 

Tube-Tech — HLT 2A 均衡器

 

 

最佳信號處理 (500 系列): Solid Stage Logic 500 FORMAT LMC+

 

Solid Stage Logic 500 FORMAT LMC+

 

 

最佳信號處理插件 (動態/均衡器/工具類) :Izotope — RX 4 Complete audio repair & enhancement

 

Izotope — RX 4 Complete audio repair & enhancement

 

 

最佳信號處理插件 (效果器類) : AMS NEVE — RMX16 數碼混響器, UAD-2 專用版

 

AMS NEVE — RMX16 數碼混響器, UAD-2 專用版

 

 

最佳大型控制台技術:Solid Stage Logic —  XL Desk

 

Solid Stage Logic — XL Desk

 

 

最佳小型控制台技術:Avid Pro Tools — S3

Avid Pro Tools — S3

 

 

最佳錄音室監聽音箱:Genelec — 8351A SAM

 

Genelec — 8351A SAM

 

 

最佳數碼音頻平台:Avid — Protools 12

 

Avid Pro Tools 12

 

 

以上節錄左部分同錄音及音樂製作有關嘅獎項,想睇曬全部可以去以下網站:

https://www.tecawards.org/

雖然小編唔鼓吹“名牌效應”,因為選擇器材可以係好個人嘅品味。但係瞭解有乜器材得過獎,做個參考,出去錄音室做嘢都可以做個識貨之人啦!

 

 

文:Kenji

圖片來源:網絡

 

【Jack頭保衛戰】回顧TRS音頻插頭的前世今生

com_iphone5mainframe

Apple iPhone 及耳機

15fxx

iphone用TRRS頭及內部接口結構

 

傳聞Apple將會淘汰傳統 3.5mm耳機jack頭,換言之嚟緊iphone 7跟機耳機將會係獨家專利嘅Lightening頭。雖然消息未經官方證實,但已經惹嚟網上近20萬聯署要求Apple要三思:Apple作為科技界龍頭,一旦改變耳機插頭格式,舊格式嘅電話耳機產品就會被淘汰,其他生產商或會被逼跟隨呢個改變,就算到時有”轉插”(adaptor)之類推出市場,依然會有大量嘅電子廢料產生,非常唔環保!

 

gqfb4

1/4 inch TRS

 

睇返今次事件嘅主角“3.5mm 耳機jack頭”究竟有乜來頭?

原來市面上常見嘅“Jack頭”學名又稱為“TRS-Tip Ring Sleeve”頭(見圖),插頭外觀係圓柱狀金屬,由兩個絕緣環分成三個彼此絕緣嘅部分,對應三個銲接點:Tip係正(+),Ring係(-),Sleeve係地線(Ground);“Tip”帶有凹頸,插入插座後可以被扣實;標準TRS頭直徑1/4寸(6.35mm),通常用於專業器材傳送平衡單聲道(mono balance signal);為左減省空間,headphone用TRS插係一種迷你版嘅TRS,1/8寸(3.5mm)直徑,又稱為mini TRS,用於傳送一組雙聲道信號(stereo signal),tip係左,ring係右,sleeve係地線(Ground)。同一個設計,亦會搵到TS,TRRS及再迷你版嘅TS(2.5mm),視乎絕緣環數量。TS係非平衡單聲道(unbalanced mono);TRRS用於智能電話,多出嚟既焊點係mic信號。

 

trs-plug-pinout

Tip, Ring, Sleeve分別對應的焊點

1024px-photo-audiojacks

從左至右: 2.5 mm 單聲道(TS) 3.5 mm 單聲道(TS) 3.5 mm 雙聲道 (TRS) 6.35 mm 雙聲道或平衡單聲道(TRS)

3-5mm-3-conductor-trrs

TRRS:3.5 mm 雙聲道+mic

 

switchboard-publicdomain

電話“接線生”

TRS起源于舊式電話系統,最早可以追溯到1878年。以前嘅電話需要名副其實“接線生”,將通話雙方嘅線路,係線路板上面用jack線互相接通。當時嘅插頭近似仍然沿用嘅GPO頭,亦稱“B Gauge”,因為Tip嘅凹頭比較淺容易鬆脫,所以演化成後來嘅“TRS家族”。TRS Jack亦被為“A Gauge”。

b-gauge-moulded

B-Gauge (GPO) Jack

neutrik_black_gpo_bantam_to_trs_jack

左:GPO Jack, 右:TRS Jack

TRS 頭呢個設計已經有成百年既歷史,經得起時間嘅考驗。如果你都覺得需要參與“保衛戰”,以下聯署你都可以一齊參與:

http://action.sumofus.org/a/iphone-headphone-jack/?sub=homepage

 

 

文:Kenji

圖片來源:網絡

 

 

音箱Active 定passive?「有源」又「無源」:搞邊科?

音箱所謂的「有源」,「無源」指的是需要接駁電源與否。選擇有源或者無源音箱實在是「人生交叉點」,音響發燒友最瞭解其中的苦處。這個選擇也是組裝家庭影音系統時所做的最重要決定,因為當中涉及電源分配和駁線的麻煩。 另一組常見的音箱專有名詞Active(主動)和 Passive (被動)發燒友也會經常提及。但這些字眼聽在一般消費者耳中,其實十分混淆。可能基於某些商業理由,並非所有的廠商和專家都會澄清這些字眼的應用。 就讓我們試圖來整理出當中的分野,以及分析這幾種類型各自的優點和缺點。

APS Aeon — Active 有源音箱

 

“Active”有源音箱
Active(主動)是形容「分頻」這個步驟。 分頻需要分頻器(crossover),信號在抵達功放(power amp)之前會被分頻器“主動”分成不同的頻段(例如低頻,高頻,有時會有“中頻”);這幾個分開的頻段分別經過各自的功放通道被放大,再推動音箱裡面不同尺寸的揚聲器單元(driver),例如低音單元,高音單元。

Active有源音箱內置電子分頻器和功放等部件均需要電源驅動,所以“Active”音箱需要插電,即一定是“有源”的。 它的接駁方式是直接將平衡信號(Balanced signal)經XLR線輸入(不少產品亦同時提供非平衡的輸入,例如RCA紅白線接口)。優點是具有更高的保真度,更少的互調失真(IMD),更高的動態範圍和更大的輸出聲壓級(SPL)。這些優點令到它們被廣泛應用在擴音工程和錄音室監聽。

slide1

Active有源音箱信號走向

 

Boenicke W5 — Passive無源音箱

“Passive”無源音箱
同樣,Passive(被動)也指分頻的步驟。所謂“被動的分頻”,是依賴線路設計,利用電容,電阻電感等元件對不同頻段信號進行過濾的特性而達到分頻的效果,猶豫一個“被動的分頻器(passive crossover)”。經過功放後的信號直接輸出到passive音箱,經過被動分頻後推動不同揚聲器單元。由於沒有內置的電子分頻器和功放,passive音箱不需要插電,所以又稱為「無源」。重量較輕,(因為重量通常來自內置功放),接駁方便,只需要從外置的功放經喇叭線輸入信號。
雖然有些高級的無源音箱擁有優質的被動分頻效果,但本質上,被動分頻器會因散熱損失多達30%功率。隨著分頻器升溫,揚聲器單元分配到的頻段都會隨住變化,音質也會受影響。

再者,推動無源音箱需要找到一個匹配的功放,這既是一個優點也是一個缺點。 優點是可以自由地升級和更換功放,同一個音箱可以因此而有不同的表現。 缺點是,生產功放的廠家不會知道用戶將會接駁什麼音箱,於是功放會被“過度設計”,以廣泛地適應不同的音箱。但此舉將導致功放變得更昂貴,和耗電。

Slide2

Passive 無源音箱信號走向圖

“Self Powered”音箱

“Self Powered” 有源音箱
可能你已經覺得很混淆了,剛才不是已經講過「有源」了嗎?Self Powered 其實是泛指所有需要插電的音箱,技術上它是有內置功放和分頻器,但分頻器不一定是Active的,因為分頻器亦可作Passive設計! 這種音箱的整體市場優勢就是更簡化,直接使用。但不知情的消費者可能以為有源音箱比無源音箱更好,實情有源音箱也有可能呈現Passive音箱的特性。

除此之外,有源音箱可以降低成本(不用額外購買功放),減少接駁上面的混亂。出廠的內置功放會更匹配揚聲器單元,無論是active還是passive的線路。而且聲音的表現更穩定,用來建構多音箱的音響系統更容易,因為不需要添置和調教功放和分頻器等器材。

Slide3

Passive有源音箱信號走向圖

 

結論
關於選購音箱要active還是passive,有源或者無源的決定,都要根據實際需要和用家自己的預算而定。總之每個技術或系統都有其優劣,我們要做的只能夠確保器材之間達到最匹配的組合,發揮其最大功效。 有些很有經驗的發燒友喜歡教條式地分享自己的做法,其實做個參考也無妨。聰明的用家更需要累積相關的正確知識,訓練自己的耳朵和鑑賞力,始終聲音都是很主觀和抽象的!

 

文:Kenji

圖片來源:網絡

【同朕check下】究竟欣宜做緊乜?

話說某日小編無意中睇到欣宜有個新既電視廣告,睇完頭果幾個鏡頭已經覺得怪怪地,於是上網搵到段片再睇一次,果然大有發現,cap圖如下:

 

joycesinging01

圖片來源:youtube

驟眼望落好似無問題喔,呢個佈置應該係錄音室格局?吸音棉,有個控制室?再睇多張
joycesinging2

圖片來源:youtube

個片段似乎係講緊欣宜好鍾意音樂,好享受係錄音室錄音既過程啊,但係有幾個位小編覺得耐人尋味:
.
.
joycesingsing3
1)控制室裡面用緊果個係咩programe?同常見錄音用既Protools,Logic,Cubase界面都唔多似。可能係video mixing既界面?似啦,旁邊有個類似video mixer既設備,唔通欣宜係錄影緊而唔係錄音?但係個preview係「黑屏」無畫面既?如果係錄影緊,咁個攝影機(師)呢?
.
.

常見幾種mic的類型:Dynamic(左),Condenser(中),Ribbon(右)

2)片中所見,欣宜係用手揸dynamic mic,而唔係錄音室最常用既電容mic(condensor)。嗯,非常有嫌疑,可能佢比較中意dynamic mic,但點解要捉住枝mic唱?唔怕有所謂handling noise?即係「卒」mic聲?佢仲好有節奏感咁郁緊喔。(呢part 令我再度懷疑欣宜係錄緊live啊)
.
.

錄音室常見的錄音方式,mic前的黑色圓形裝置為“pop filter”,專門隔絕噴mic聲

3)點解唔戴headphone既?通常做voice tracking,應該聽緊背景音樂(BGM)加Click(拍子機)聲。雖然有可能係清唱,但清唱都要聽click掛?
.
.

錄音房裏面較少會擺喇叭,通常只作歌手off mic的時候聽playback用

4)假設唔戴headphone但係聽緊foldback喇叭。如果係咁咪track埋foldback既聲?但係做multi track錄音既原意就係將每個sound source分開,人聲就只有人聲,撈埋背景音樂唔會增加mixing既難度咩?
.
.
.
本著小事化大既求學問精神,小編用Line訪問左行內一位作風低調既錄音師,係排名C級首位,人稱音響崎玉老師,凡事「一腳踢」既One Kick Man:
okm01
okm02

我:你好啊崎玉老師,請問你有無睇過欣宜呢個廣告?有幾樣野想請教你

 

崎玉:有問題?

 

我:呢個係錄音室?

 

崎玉:係架喇

 

我:咁個programe係咩料

 

崎玉:可能係勁野,除非唔係

 

我:錄音室用58(Shure SM58)?

 

崎玉:唔出奇

 

我:咁欣宜錄音唔使聽foldback?唔需要帶headphone?

 

崎玉:欣宜出名拍子準,唔洗聽

 

我:BGM係喇叭播?清唱?

 

崎玉:年青人,你知道得太多啦,快去做一百下掌上壓先

.

經過崎玉老師呢番解釋,令我深深明白到… 識做人係比識做聲黎得重要架!雖然最後我都未係很肯定欣宜係段片既角色係做緊乜,但係我又發現左,有時所謂好「專業」既野其實循邏輯都可以嘗試去質疑。最後都係俾我戴埋個頭盔先:監製哥哥,可能係budget有限,唔關你事,所以我想話俾科水既老闆知道,細節係有人睇到架,除非你係特登做到甘弔詭搏收視啦!係喔,中計添… 嗱,送佛送到西,幫你宣傳埋,去片啦:
.
.
文:Kenji
圖片,影片來源:Youtube,網絡

[骨頭都識唱歌] 那些年聽歌需要一張「骨片」

roentgenizdat

 

又係那些年… 半個世紀以前,冷戰時期既蘇聯曾經出現過一種唱片形式叫做「roentgenizdat」。條脷打曬棘都發唔到個音?唔緊要,俄文黎,個意思係指「骨頭上面的音樂」。

 

“骨片”製作中

 

當時蘇聯政府為左維持共產主義社會既穩定,市民會被禁止接收西方思想。一切西方意識形態產物,包括音樂唱片都係禁物。通常被禁既野下場都只得一個– 越禁越起勁。由於製作唱片既黑膠受管制,有人偷偷地將醫院病人既X光片運出黎,剪成圓形,成為「dub plate」,當作黑膠唱片用來複製或者錄製音樂。雖然音質唔好,容易爛,但勝在價錢平,於是西方音樂繼續透過呢個黑市市場流通。後來隨著冷戰結束,管制放緩,一張張骨頭X光片成為左一代俄國人既集體回憶。似乎同時亦警醒著世人,自由並唔係必然!

 

呢個網站有齊關於骨頭唱片既歷史,每一張背後既故事,仲可以試聽同購買。

https://x-rayaudio.squarespace.com/lullabyofbirdland/

 

文:Kenji

圖片來源:網絡,x-ray audio

用mic的基本禮儀

 

無錯,就如同用餐要講禮儀,用mic都要講禮儀。雖然你未必有機會上台用mic表演,但K房你都總會去掛?除左做個識用mic之人,留意有以下例子既突發情況出現時,都懂得掩耳以保障聽覺及身心靈健康。

  12483409_10153886711931663_872039069_n

嚴禁拍mic

拍mic係大忌中既大忌,因為枝mic其實係接通住可以產生巨響既喇叭,而喇叭係接通住聽眾既耳膜,你大大力拍落去,等同於一巴打落聽眾對耳仔。如果枝mic無聲,可能係你未開mic;如果枝mic無明顯開關,咁就代表有人會開俾你,保持冷靜,可以繼續「喂」下試聲。記住遇到呢種情況,台下有人會緊張過你,所以唔需要緊張。另外,拍mic呢個動作會影響mic頭既線路結構,雖然拍一兩下係唔會甘易整壞,但如果枝mic每日有好多人要用,每人拍兩下,時間耐左就係一個大問題。

screaming-into-microphone

唔好嗌拆枝mic

早年入舞台睇一啲大學聯校band so,dan so, mu so既節目,總有一兩個唔知咩來歷既二線DJ做主持,最鍾意係台上好hyper咁嗌拆枝mic就當好有氣氛。所謂「拆」即係mic既信號到頂了(Peak),超載變成方波「square wave」,聽起黎就係個聲爛左。如果信號係短時間突然嚴重超載,唔單只爛聲,有機會會「燒」喇叭,而且會損害觀眾既聽覺。
再者,係正規表演場地,係有人控制同避免用mic者突然聲線暴走既,所以係呢種情況下,你越係大大力叫,個聲會越被拉低,最後只會徒勞無功。所以如果你想要自己個音量可以去到容許下最大,就要同控制人員夾一夾,所以試mic既過程好重要,請留意下一點:
10470

彩排試mic唔該用真聲

試mic出名有盧海鵬,如果你唔係盧海鵬,試mic都係講返你要講既台詞,用返你將會用既聲線,或者主動告知控制人員你想要飆個咩音量。事前充分既溝通有助你表演順利進行,而唔會無故「被減聲」。
.
Feedback_04a_0 正確握mic方法
.
Feedback_04b_0 錯誤握mic方法
.

揸mic唔好揸mic頭

可能有啲特別既揸mic手勢有助你增加台風,但揸mic最好都係握住mic身而唔係個mic頭。一般手揸mic(handheld mic)個設計都係所謂心形指向(cardiod,令枝mic只會收取軸心指向既位置)。但呢個特性通常都需要mic頭底部位置保持開放以完成抵消既過程。一旦你揸住呢個位,會阻隔呢個機制,然後枝mic既指向方式會變成全方位(omini directional),除了更加容易feedback,連個音色都會改變!
.
文:Kenji
圖片來源:soundonsound.com,網路