Posts

【DIY】如何自制擴音器

雖然情人節同元宵節都過左,唔洗再煩惱買咩禮物或DIY什麼,但點都要未雨绸缪,為下個節日做準備嘅。

依家就教下大家點樣DIY Speaker 啦!

材料:

  1. 銅缐
  2. 膠杯或發泡膠杯
  3. 一堆釹磁鐵粒或一條長磁鐵
  4. 萬字夾一個
  5. 唔用嘅耳筒(只需要插頭)
  6. 膠紙
  7. 一張紙
  8. 鱷魚夾

導具:

  1. 鉗子
  2. 剪刀
  3. 熱膠槍或強力膠

Screen Shot 2016-02-23 at 4.36.06 pm

 

Step 1: 喇叭線圈

首先,我地要剪兩張2×6寸嘅紙。

Screen Shot 2016-02-23 at 4.36.14 pm

然後用一張紙捲起磁鐵,用膠紙貼穩。Screen Shot 2016-02-23 at 4.36.58 pm

然後用另一張紙包多次,再貼膠紙。

之後用銅缐繞80個圈,就會完成喇叭嘅核心線圈。Screen Shot 2016-02-23 at 5.12.02 pm

當然,我地會用熱膠槍黐實銅缐。Screen Shot 2016-02-23 at 5.21.55 pm最後就可以連磁鐵連內層捲紙一拼拔掉。

Step 2: 喇叭身

首先將核心線圈嘅紙捲未端剪個十字,然後黐起杯底。Screen Shot 2016-02-23 at 4.38.25 pm

然後圍繞十字剪個圈。Screen Shot 2016-02-23 at 5.36.09 pm

再起洞邊剪走1cm 闊嘅杯底。
Screen Shot 2016-02-23 at 5.43.12 pm

然後剪出剛剛適合杯底㓊口嘅膠紙,封死洞口。(記得黏面向外)
跟住就可以將剛才剪出的核心線圈黏上。Screen Shot 2016-02-23 at 4.39.12 pm

然後係最難嘅部分。
首先屈直萬字夾,然後屈出長度可由核心線圈頂尖申至杯身的⊐形狀。
接下來,我們只需一邊萬字夾接觸杯身,而另一邊萬字夾則需要用鉗子屈曲成圓餅形。Screen Shot 2016-02-23 at 4.39.29 pmScreen Shot 2016-02-23 at 4.42.48 pm

然後因為磁鐵可吸引萬字夾,所以我地可以很容易地將磁鐵放在圓餅,再將磁鐵放回核心線圈內。Screen Shot 2016-02-23 at 4.41.16 pm

最後就可黐實杯底與萬字夾。喇叭大至完成!Screen Shot 2016-02-23 at 4.41.45 pm

Step 3: 接駁

首先我地要去除銅缐兩端外層嘅絕緣體,所以要用火燒!又或者用鉗刮走。Screen Shot 2016-02-23 at 4.48.45 pm

跟住就可以剪下耳機mini jack 頭,請預留足夠長度嘅缐。((唔一定要耳機嘅,係3.5mm jack 頭就得)(唔明?請溫習我地嘅文章【Jack頭保衛戰】回顧TRS音頻插頭的前世今生))

然後你要去除耳機缐外層保護膠,你就會發現缐中有缐,重要有三條。Screen Shot 2016-02-23 at 6.32.36 pm而我地只需要兩條,接駁於核心線圈兩端,一條一定要是黑色,而另一條則可任君選擇。
我們可以用鱷魚夾接駁,或可用辣雞焊接。Screen Shot 2016-02-23 at 4.50.32 pm

接駁完也就大功告成!
Screen Shot 2016-02-23 at 4.35.35 pm

自制喇叭有咩用?大家不妨運用小宇宙,設計一個會發聲嘅生日禮盒,做一盞會播歌嘅燈,又或者帶入浴室沖涼?最緊要唔怕整濕,同埋平呀嘛!

文:KrisY

圖片來源:Youtube

 

【心理戰】如何自我提升音樂創作效率

近年接觸唔少音樂人,創作人,發現有一個普遍嘅現象:技巧好成熟,音樂底子好厚嘅人寫歌往往陷於難產,好耐都寫唔到新歌;反而有啲技巧較幼嫩,聲稱自學結他或鋼琴嘅朋友反而新作不斷,甚至可以寫到搶耳嘅旋律。積極啲去諗,排除所謂「天份嘅問題」,其實有咩因素影響緊一個人嘅創作靈感?同埋有乜方法可以自我提升創作嘅效率呢?

 

自我要求太高,開工但唔想收工

首先搞清楚你自己係咪呢類人。當然對自己有要求絕對係好事,但係創作上未必每個細節都要咁完美無瑕,通常見識過越多「好嘢」嘅人就越會有呢個心魔:一句motive發展得幾句,又覺得唔知似邊首歌,或者比唔上人地寫果啲;編曲揀隻聲搞左半日,聽落又覺得唔好停左係度;一首歌永遠埋唔到尾,因為想改到最好先… 雖然呢啲樽頸位對創作者嚟講好常見,但係典型自我要求太高者,技巧同見識越高反而沖破唔到。

對於呢種情況,解決嘅關鍵可能就在於你肯唔肯「妥協」。同自我妥協,就算某段旋律或處理唔太滿意,唔緊要,搵個折衷方案“hea”過。保持一個「我開工,係要收工架!」嘅心態,盡量係一段時間內完成所有部分,將你嘅心血定型,成為一首完整嘅歌,然後回過頭嚟再聽再細執返! 就算最後首歌都係唔滿意,唔派出街,但可能佢會繼續觸發你嘅靈感,話唔定因此做多另一首歌出呢。

 

「如果有好多時間,好多器材俾我,我就可以做到好歌」

呢種想法通常會係啱啱捱過deadline交貨嘅朋友最大嘅慨嘆。但係好明顯呢個都係偽命題,通常一個人嘅時間同資源都有限,再加上你侷限係現階段嘅才能,音質上可以達到嘅效果可以話從一開始已經「封頂」,你最多只可以做到咁。而且除非你係一個相當自律嘅人,否則係未見deadline前你都懶懶閒,或者好似上一個情況咁,不斷同心魔戰鬥同埋首去搞你啲plugin。

但係好彩,音樂本身嘅質素並唔完全受以上硬件因素影響,如果你用電腦作曲的話,可能將多啲focus擺係音樂結構,編曲配器,同和弦運用上面,好過一開始就無休止斟酌隻聲,要點搞mixing– 器材太多反而令人應接不暇。再者原來係「趕deadline」嘅情況下,時間越少,你焗住要「妥協」,要收工,反而達至上一點提及嘅效果,況且有時候靈感話嚟就嚟,同你有幾多時間無關。

 

設定限制俾自己,搵人俾壓力自己

所以,承接上點,你會發現deadline同「缺乏」反而係你創作上嘅朋友。如果你想提升自己創作嘅效率,何不妨試試逆向思維,減少你要坐定定去作歌嘅時間,同埋盡量係創作嘅階段唔好搞咁多「機」。例如一日裏面,你只係用一,兩個鐘頭時間坐係電腦前面,熄電話,唔上網,專注完成一小部分,無論寫得好唔好都要完成佢,然後一個禮拜後要完成一首完整嘅歌;創作時候用嘅樂器聲最好之前已經準備定一堆,唔同類型樂器或效果都要有啲,而且堅持作曲期間唔花時間去調教咁多。

如果你真係有心魔難以克服,可以試下搵個志同道合嘅朋友,或者嚴格嘅老師,提醒自己要交歌之餘,仲可以交換意見,除左係俾壓力自己,仲可以互相激發靈感,衝破創作嘅樽頸位。

 

慢慢建立創作習慣,最後可以駕馭自己時間/器材/質素嘅比例

最後,講左咁多,其實呢啲方案都只係過度性,係幫助你馴服自己嘅心魔,培養良好創作習慣,釋放潛藏嘅音樂靈感。嚟到呢一步,你會見到所謂作品質素可能係等於: 創作效率 x(時間+器材),即係當你可以達到一個穩定嘅創作效率時,你投入越多時間同越好嘅器材,作品質素係可以成正比,大大提升。而唔會好似難產期裏面,無論你投入幾多時間同器材,由於創作效率係零或者極低而做唔到好嘅作品。

 

文:Kenji

圖片來源:sound on sound, 網絡

【同朕check下】究竟欣宜做緊乜?

話說某日小編無意中睇到欣宜有個新既電視廣告,睇完頭果幾個鏡頭已經覺得怪怪地,於是上網搵到段片再睇一次,果然大有發現,cap圖如下:

 

joycesinging01

圖片來源:youtube

驟眼望落好似無問題喔,呢個佈置應該係錄音室格局?吸音棉,有個控制室?再睇多張
joycesinging2

圖片來源:youtube

個片段似乎係講緊欣宜好鍾意音樂,好享受係錄音室錄音既過程啊,但係有幾個位小編覺得耐人尋味:
.
.
joycesingsing3
1)控制室裡面用緊果個係咩programe?同常見錄音用既Protools,Logic,Cubase界面都唔多似。可能係video mixing既界面?似啦,旁邊有個類似video mixer既設備,唔通欣宜係錄影緊而唔係錄音?但係個preview係「黑屏」無畫面既?如果係錄影緊,咁個攝影機(師)呢?
.
.

常見幾種mic的類型:Dynamic(左),Condenser(中),Ribbon(右)

2)片中所見,欣宜係用手揸dynamic mic,而唔係錄音室最常用既電容mic(condensor)。嗯,非常有嫌疑,可能佢比較中意dynamic mic,但點解要捉住枝mic唱?唔怕有所謂handling noise?即係「卒」mic聲?佢仲好有節奏感咁郁緊喔。(呢part 令我再度懷疑欣宜係錄緊live啊)
.
.

錄音室常見的錄音方式,mic前的黑色圓形裝置為“pop filter”,專門隔絕噴mic聲

3)點解唔戴headphone既?通常做voice tracking,應該聽緊背景音樂(BGM)加Click(拍子機)聲。雖然有可能係清唱,但清唱都要聽click掛?
.
.

錄音房裏面較少會擺喇叭,通常只作歌手off mic的時候聽playback用

4)假設唔戴headphone但係聽緊foldback喇叭。如果係咁咪track埋foldback既聲?但係做multi track錄音既原意就係將每個sound source分開,人聲就只有人聲,撈埋背景音樂唔會增加mixing既難度咩?
.
.
.
本著小事化大既求學問精神,小編用Line訪問左行內一位作風低調既錄音師,係排名C級首位,人稱音響崎玉老師,凡事「一腳踢」既One Kick Man:
okm01
okm02

我:你好啊崎玉老師,請問你有無睇過欣宜呢個廣告?有幾樣野想請教你

 

崎玉:有問題?

 

我:呢個係錄音室?

 

崎玉:係架喇

 

我:咁個programe係咩料

 

崎玉:可能係勁野,除非唔係

 

我:錄音室用58(Shure SM58)?

 

崎玉:唔出奇

 

我:咁欣宜錄音唔使聽foldback?唔需要帶headphone?

 

崎玉:欣宜出名拍子準,唔洗聽

 

我:BGM係喇叭播?清唱?

 

崎玉:年青人,你知道得太多啦,快去做一百下掌上壓先

.

經過崎玉老師呢番解釋,令我深深明白到… 識做人係比識做聲黎得重要架!雖然最後我都未係很肯定欣宜係段片既角色係做緊乜,但係我又發現左,有時所謂好「專業」既野其實循邏輯都可以嘗試去質疑。最後都係俾我戴埋個頭盔先:監製哥哥,可能係budget有限,唔關你事,所以我想話俾科水既老闆知道,細節係有人睇到架,除非你係特登做到甘弔詭搏收視啦!係喔,中計添… 嗱,送佛送到西,幫你宣傳埋,去片啦:
.
.
文:Kenji
圖片,影片來源:Youtube,網絡

製作心得:「螞蟻」評析

上回說起許廷鏗,也要一提他的出道作之一,相當受歡迎的「螞蟻」。筆者對此可謂又愛又恨。

旋律沒有一般廣東歌的重複,比較新鮮,亦能讓歌手展示歌唱技巧。詞方面則一般,有些句子意思不太切合主題,如「太忙無法呼吸清新的空氣」,其實不知所云;比較突出的或許是「只好當踩不死的螞蟻」一句。

0511FF2853D1B3E667084C7CCA9649F4

編曲可謂全曲最弱一環。樂器應全為電腦取樣,聲音假,甚至辨別不出是啥樂器;旋律混亂,弦樂部份尤其嚴重;鼓則沒有輕重可言,真正的鼓手絕不會如此演繹。錄音時歌手咬字偶爾不清,但竟然沒有重錄或修飾,相當粗糙。混音、後期等方面中規中矩,人聲處理還算不俗,整體的EQ也屬合適。

筆者好奇,嘗試找由類似班底製作的音樂。一搜便找到上次提及的、蘇永康的「那誰」。曲詞是同期作品中具代表性的,製作亦相當認真。令人驚奇的,是編曲既為同一人,質素卻是差天共地。一方面是邀請樂手彈奏,而非一味用取樣樂器的緣故;另方面,每個樂器可謂恰如其分,應突出時突出,旋律清晰優美。鼓的groove和fills有合適的變化,整體有力而不累贅。

何以有此分別,筆者無法求證,只能謂,budget就算少,也不能草草了事。音樂人是從事藝術,不是將貨就價的快餐店。

文:賢@KICKSOUND
(圖片取自網絡圖片)

製作心得:「家書」評析

最近音樂圈的朋友給我推介CAllStar的「家書」。很細心的聽了好幾遍。

第一個感覺-很像年前的金曲「那誰」,也許是因chord progression相近、加上某幾句的旋律、拍子、音程相似。旋律亦有著該組合的歌曲常沿用的、較密集的元素。而這「密集式曲風」也造就了更多音符、更多空間給填詞人發揮,亦正為此曲的精華所在。

關於親情、人生道理的歌,容易讓人感覺老套。這份歌詞卻可謂不落俗套,將家庭中的爭拗、誤解、親情娓娓道來,而又不感到被說教。能將「樹欲靜而風不息」自然地融入旋律,也足見詞人實力。

編曲方面,部份樂器略嫌虛假,多是使用取樣樂器而又缺乏修飾的緣故。弦樂貫穿全曲,不同弦樂部份,如第一、第二小提琴,中或大提琴等的編排原本不俗;但中段的跳音缺乏輕重拍,且快速拉奏的部份累贅,暴露了該取樣樂器的不足。混音一環,整體音色比較薄弱;bass有些過份柔弱,低音鼓也較乏力;但樂器的「擺位」比較闊,富有空間感。值得一讚的是人聲處理-組合成員唱功當然無庸置疑,而壓縮、EQ、reverb等處理亦不多不少,相當得宜。

筆者有兩個較主觀的小建議:一是將四位成員的聲音分開一些,就是在solo段落也不用完全置中,好讓聽眾大概知道在唱的是誰。二是CAS可嘗試另一些風格,如旋律沒這麼密集的,或許能重拾「天梯」一般的成功。


賢@KICKSOUND

(圖片取自網絡圖片)

製作心得:從樂壇的現況講起…

香港人漸對廣東歌失去興趣,似乎越見明顯。網上聽歌大行其道,在YouTube、KKBox、Spotify等平台,日韓英美等什麼歌也有了,也不用說非法下載。大台跟各大唱片公司鬧翻令傳統媒體音樂選擇更少,可謂雪上加霜。本地音樂製作市場萎縮,是不爭的事實。

有聽眾說「轉會」是因為廣東歌質素越來越差,是垃圾。有音樂人回應說,聽眾根本聽不出分別,做好音樂也是浪費工夫。

各有各道理。作為漸退下火線的音樂人,聽到今日某些「音樂」,的確感觸。一首歌旋律動聽與否,相當主觀;但製作則多少有客觀標準:用心與否、budget高低,其實細心一聽便分高下。本地樂壇裡精英大有人在,但當然有部份倒是令人失望的。未來會找一些歌曲,給大家一個較為專業的分析。

聽眾一方其實亦有「進修」的空間。舉例,筆者經常收到問題如「作曲和編曲有何分別」、「監制到底有何作用」、「器材動輒幾十萬元有需要嗎」。坦言,細心聽聽、動動腦筋,自己多少會有些概念。某次跟台灣朋友討論音樂,發現那邊一般聽眾的水平相當高,甚至mastering這些較專門的處理,他們也認識、聽得出好壞。這種critical listening,比香港聽眾的、相對空泛的批評為健康。

聽眾就算有要求,也往往不懂表達,繼而索性不再聽;市場萎縮,成本倒退令部份音樂人將貨就價,又藉口說聽眾聽不懂。這惡性循環或許是時候要破解了,否則聽眾選擇越少,音樂人生計亦更困難。筆者希望能以較專業的分析,至少令大家更為意哪些是好音樂,哪一些還未達標。

賢@KICKSOUND
(圖片取自網絡圖片)